இல்லத்தரசிகளுக்கு நற்செய்தி! குறைந்தது தங்கம் விலை!

சென்னையில் இன்று 22 கேரட் ஆபரணத் தங்கம் விலை சவரனுக்கு ரூ.360 குறைந்து ஒரு சவரன் தங்கம் ரூ.69,680க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. கடந்த சனிக்கிழமை 22 கேரட் ஆபரண தங்கத்தின் விலை விலை மாற்றமின்றி ஒரு சவரன் ரூ.69,760க்கும், ஆபரண தங்கம் ஒரு கிராம் 8,720 ரூபாய்க்கும் விற்பனை செய்யப்பட்டது. வாரத்தின் முதல் நாளான நேற்று  ஆபரணத் தங்கம் விலை சவரனுக்கு ரூ.280 உயர்ந்து, சவரன் ரூ.70,040க்கும், கிராம் ரூ.8,755க்கும் விற்பனை செய்யப்பட்டது.
  
இந்த நிலையில், இன்று தங்கம் விலை குறைந்துள்ளது. சென்னையில் இன்று 22 கேரட் ஆபரணத் தங்கம் விலை சவரனுக்கு ரூ.360 குறைந்து ஒரு சவரன் தங்கம் ரூ.69,680க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு 45 ரூபாய் குறைந்து ஒரு கிராம் தங்கம் 8,710 ரூபாய்க்கு விற்பனை செய்யப்பட்டு வருகிறது.