ரூ.64,000ஐ நெருங்கும் தங்கம் விலை - இல்லத்தரசிகள் அதிர்ச்சி!

 சென்னையில் இன்று ஆபரண தங்கத்தின் விலை சவரனுக்கு 280 ரூபாய் உயர்ந்து ஒரு சவரன் தங்கம் ரூ.63,840க்கு விற்பனை செய்யப்பட்டு வருகிறது. 
 
சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. இதனிடையே தங்கம் விலை கடந்த சில நாட்களாக தொடர்ந்து உயர்ந்து வருகிறது. இதனால் இல்லத்தரசிகள் மிகுந்த அதிர்ச்சிக்குள்ளாகியுள்ளனர். 

இந்த நிலையில், இன்றும் தங்கம் விலை உயர்ந்து புதிய உச்சத்தை தொட்டுள்ளது. சென்னையில் இன்று ஆபரண தங்கத்தின் விலை சவரனுக்கு 280 ரூபாய் உயர்ந்து ஒரு சவரன் தங்கம் ரூ.63,840க்கு விற்பனை செய்யப்பட்டு வருகிறது. . இதேபோல் கிராமுக்கு 35 ரூபாய் உயர்ந்து ஒரு கிராம் தங்கம் 7 ஆயிரத்து 980 ரூபாய்க்கு விற்பனை செய்யப்பட்டு வருகிறது.