ஜெட் வேகத்தில் ஏறும் தங்கம் விலை...இன்று எவ்வளவு உயர்ந்தது தெரியுமா?

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.560 உயர்ந்து ஒரு சவரன் ரூ.57,280க்கு விற்பனை செய்யப்பட்டு வருகிறது. 

சென்னையில் ஆபரண தங்கத்தின் விலை ஓவ்வொரு நாளும் ஏற்ற, இறக்கங்களை சந்தித்து வருகிறது. வாரத்தின் முதல் நாளான திங்கள் கிழமை ஆபரண தங்கம் சவரனுக்கு ரூ.800 குறைந்து ஒரு சவரன் தங்கம் ரூ.57,600க்கு விற்பனை செய்யப்பட்டது. செவ்வாய் கிழமை ஆபரண தங்கம் சவரனுக்கு 960 ரூபாய் குறைந்து ஒரு சவரன் தங்கம் 56 ஆயிரத்து 640 ரூபாய்க்கு விற்பனை செய்யப்பட்டது. புதன் கிழமை ஆபரண தங்கத்தின் விலை சவரனுக்கு ரூ.200 உயர்ந்து, ஒரு சவரன் ரூ.56,840க்கு விற்பனையானது. நேற்று தங்கத்தின் விலை சவரனுக்கு ரூ.120 குறைந்து , ஒரு சவரன் ரூ.56,720க்கு விற்பனையானது.

இந்த நிலையில், இன்று தங்கம் விலை அதிரடியாக உயர்ந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.560 உயர்ந்து ஒரு சவரன் ரூ.57,280க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ.70 உயர்ந்து ரூ.7,090க்கு விற்பனை செய்யப்பட்டு வருகிறது. தங்கம் விலை திடீரென அதிகரித்துள்ளதால் இல்லத்தரசிகள் அதிர்ச்சி அடைந்துள்ளனர்.