மீண்டும் புதிய உச்சம் தொட்ட தங்கம் விலை! சவரன் ரூ.71,000ஐ தாண்டியது!

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.840 உயர்ந்து, ஒரு சவரன் ரூ.71,360க்கு விற்பனை செய்யப்பட்டு வருகிறது. 

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது.  வாரத்தின் முதல் நாளான திங்கள் கிழமை ஆபரண தங்கம் சவரனுக்கு ரூ.120 குறைந்து ஒரு சவரன் தங்கம் ரூ.70,040க்கு விற்பனையானது. செவ்வாய் கிழமை சவரனுக்கு ரூ.280 குறைந்து ஒரு சவரன் தங்கம் ரூ.69,760க்கு விற்பனையானது. நேற்று சவரனுக்கு ரூ.760 உயர்ந்து, ஒரு சவரன் ரூ.70,520க்கு விற்பனையானது.

இந்த நிலையில், இன்றும் தங்கம் விலை அதிகரித்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.840 உயர்ந்து, ஒரு சவரன் ரூ.71,360க்கு விற்பனை செய்யப்பட்டு வருகிறது.  சென்னையில் ஆபரணத் தங்கத்தின் விலை கிராமுக்கு ரூ.105 அதிகரித்து ஒரு கிராம் ரூ.8,920 க்கு விற்பனையாகிறது. தங்கம் விலை தொடர்ந்து உயர்ந்து வருவதால் இல்லத்தரசிகள் கவலை அடைந்துள்ளனர்.