மீண்டும் அதிரடியாக உயர்ந்த ஆபரண தங்கத்தின் விலை!

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.440 உயர்ந்து ஒரு சவரன் ரூ.73,040க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. வாரத்தின் முதல் நாளான திங்கள் கிழமை ஆபரண தங்கத்தின் விலை சவரனுக்கு ரூ.160 உயர்ந்து ஒரு சவரன் ரூ.70,200க்கு விற்பனையானது. செவ்வாய் கிழமை தங்கத்தின் விலை சவரனுக்கு ரூ.2000 உயர்ந்து ஒரு சவரன் ரூ.72,200க்கு விற்பனை செய்யப்பட்டது. புதன் கிழமை சவரனுக்கு ரூ.200 குறைந்து ஒரு சவரன் ரூ.72,600க்கு விற்பனையானது.
 
இந்த நிலையில், இன்று தங்கம் விலை அதிகரித்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.440 உயர்ந்து ஒரு சவரன் ரூ.73,040க்கு விற்பனை செய்யப்பட்டு வருகிறது. இதேபோல் தங்கம் விலை கிராமுக்கு 55 ரூபாய் உயர்ந்து ஒரு கிராம் ஆபரண தங்கம் ரூ.9,130க்கு விற்பனை செய்யப்பட்டு வருகிறது.