குட் நியூஸ் சொன்ன முதல்வர்..!! பொங்கல் பரிசு தொகுப்பு ஜனவரி 3 முதல் வழங்கப்படும்..!!

புதுவை மாநிலத்தில் தற்போது மஞ்சள் ரேஷன் கார்டுகளுக்கு 10 கிலோவும், சிவப்பு ரேஷன் கார்டுகளுக்கு 20 கிலோவும் இலவச அரிசி வழங்கப்பட்டு வருகிறது. கடந்த காங்கிரஸ் ஆட்சிக் காலத்தில் அரிசிக்கு பதிலாக பயனாளிகளின் வங்கிக் கணக்கில் பணம் செலுத்தப்பட்டது. கடந்த நாடாளுமன்றத் தேர்தலின்போது, மக்கள் விடுத்த கோரிக்கையை ஏற்று, முதல்வர் ரங்கசாமி மீண்டும் இலவச அரிசி திட்டத்தை ஜனவரி மாதம் முதல் அனைத்து ரேஷன் கார்டுகளுக்கும் செயல்படுத்தினார். இந்த நிலையில், அனைத்து ரேஷன் கார்டுகளுக்கும் மாதந்தோறும் தலா 2 கிலோ கோதுமை வழங்கப்படும் என்றும் அவர் அறிவித்திருந்தார். அதன்படி இந்த திட்டம் தொடங்கப்பட்டுள்ளது.