#BREAKING ஜனநாயகன் சென்சார் சான்றிதழ் வழக்கு நாளைக்கு ஒத்திவைப்பு

நடிகர் விஜய்யின் ஜனநாயகன் சென்சார் சான்றிதழ் வழக்கு நாளைக்கு ஒத்திவைத்தது. 

இயக்குனர் எச்.வினோத் இயக்கத்தில் நடிகர் விஜய்,நடிகை பூஜா ஹெக்டே, மமிதா பைஜூ உள்ளிட்டோர் நடிப்பில் ஜனநாயகன் திரைப்படம் உருவாகி உள்ளது. பொங்கல் பண்டிகையையொட்டி வரும் 9ஆம் தேதி திரையரங்குகளில் ரிலீஸாக இருப்பதாக அறிவிக்கப்பட்டுள்ளது. இந்நிலையில் இதுவரை ஜனநாயகன் படத்திற்கு தணிக்கைச் சான்றிதழ் வழங்கப்படவில்லை. படத்திற்கான அனைத்து பணிகளையும் முடித்து கடந்த மாதம் தணிக்கைக்காக படக்குழு அனுப்பியது.  தொடர்ந்து டிசம்பர் 19-ஆம் தேதி படத்தை பார்த்த தணிக்கைக்குழு, சில காட்சிகளை நீக்கவும், சில வசனங்களை மியூட் செய்யவும் அறிவுறுத்தியதாக கூறப்படுகிறது.

படம் பார்த்த தணிக்கை குழு உறுப்பினர்கள் கூறிய மாற்றங்களை செய்து தயாரிப்பு நிறுவனம் மீண்டும் அனுப்பிய நிலையிலும், படத்திற்கு இன்னும் தணிக்கை சான்றிதழ் வழங்கவில்லை. படம் வெளியாக இன்னும் மூன்று நாட்கள் மட்டுமே உள்ள நிலையில் தணிக்கைச்சான்று கிடைக்பெறததால் பட தயாரிப்பு நிறுவனமான கே. வி. என் புரொடக்சன்ஸ் தயாரிப்பு நிறுவனம் சார்பில், சென்னை உயர் நீதிமன்றத்தில் அவசர முறையீடு செய்யப்பட்டது. அப்போது, கேவிஎன் தயாரிப்பு நிறுவனம் சார்பில் ஜனநாயகன் திரைப்படத்தில் மத உணர்வுகளை புண்படுத்தும் காட்சிகள் உள்ளதாக தணிக்கை வாரியம் கூறுகிறது என தெரிவிக்கப்பட்டது, ஜனநாயகன் படத்தில் மத உணர்வுகளை புண்படுத்தும் காட்சி உள்ளதாக வந்துள்ள புகாரை தாக்கல் செய்ய தணிக்கை வாரியம் உத்தரவிட்டது. இதனையடுத்து வழக்கை விசாரித்த நீதிபதி, ஜனநாயகன் படத்திற்கு சென்சார் கோரும் வழக்கு நாளை விசாரணைக்கு எடுத்துக் கொள்ளப்படும் என உத்தரவிட்டார்.