நகைச்சுவை நடிகர் பிஜிலி ரமேஷ் சென்னையில் உடல்நலக்குறைவு காரணமாக காலமானார்.
யூடியூப் மூலம் பிரபலமானவர் நடிகர் பிஜிலி ரமேஷ். அதன்மூலம் ‘நட்பே துணை’, ‘ஏ1’, ‘ஜாம்பி’, ‘நெஞ்சமுண்டு நேர்மையுண்டு ஓடு ராஜா’, ‘பொன்மகள் வந்தாள்’, ‘கோமாளி’, ‘ஆடை’ உள்ளிட்ட பல திரைப்படங்களிலும் பிஜிலி ரமேஷ் நடித்துள்ளார். தனித்துவமான உடல்மொழி மற்றும் நகைச்சுவையால் குறுகிய காலத்தில் மக்களிடையே பயங்கர பேமஸ் ஆனவர் பிஜிலி ரமேஷ். இவர் பேசும் ‘அதுதான் தவறான விஷயம்’ என்கிற வசனம் இளைஞர்களிடையே வெகுவாக பேமஸ் ஆகியிருந்தது.
இந்நிலையில் கடந்த சில மாதங்களாக கல்லீரல் பிரச்சனைக்காக சிகிச்சை பெற்று வந்தார் பிஜிலி ரமேஷ். தொடர்ந்து வீட்டிலேயே ஓய்வெடுத்து வந்த அவர் உயிரிழந்ததாக தகவல் வெளியாகியுள்ளது. நேற்று இரவு 9 மணியளவில் பிஜிலி ரமேஷ் காலமானதாக கூறப்படுகிறது. இன்று மாலை 5 மணிக்கு எம்.ஜி.ஆர் நகரில் உள்ள அவரது இல்லத்தில் நடைபெற உள்ளதாக தெரிவிக்கப்பட்டுள்ளது. இதனிடையே பிஜிலி ரமேஷ் மறைவுக்கு பிரபலங்கள் பலரும் இரங்கல் தெரிவித்து வருகின்றனர்.