ஒரு நாளைக்கு ரூ.298-க்கும் குறைவான வருமானம்! மோடிக்கு வெட்கமா இல்லையா?- மனோ தங்கராஜ்

298 ரூபாய்க்கும் குறைந்த வருமானத்தில் 40% பேர் இருக்காங்க, இது மோடிக்கு வெட்கமா இல்லையா? என அமைச்சர் மனோ தங்கராஜ் கேள்வி எழுப்பியுள்ளார். 

இதுதொடர்பாக அமைச்சர் மனோ தங்கராஜ் தனது ட்விட்டர் பக்கத்தில், “இந்தியாவில் 40% க்கும் அதிகமானோர் ஒரு நாளைக்கு 298 ரூபாய்க்கும் குறைவான வருமானத்தில் வாழ்கிறார்கள். ஆனால்  கோடீஸ்வரர்களின் வருவாய் உயர்ந்து கொண்டே வருகிறது.இது பிரதமர் மோடி அவர்களுக்கும் ஒட்டுமொத்த இந்தியாவிற்கும் வெட்கம் இல்லையா? மோடிஅரசு கார்ப்பரேட் வரியை 2019 - ல் 30% லிருந்து 22% ஆக குறைத்தது, இது இரண்டு ஆண்டுகளில் அரசிற்கு 1.84 லட்சம் கோடி வருவாய் இழப்பை ஏற்பபடுத்தியது. இந்தத் தொகை 2020-21 ஆம் ஆண்டில் MGNREGA மற்றும் NFSA ஆகிய இரண்டு திட்டங்களுக்கான பட்ஜெட்டுகளை விட அதிகமானது.

இந்தியாவின் முதல் 1% பணக்காரர்களின் சொத்து மதிப்பு வரலாற்று உச்சத்தில் உள்ளது, இது பிரிட்டிஷ் ஆட்சி நடந்த போது இருந்த அளவை விட அதிகம். 0.001% மேல் தட்டு மக்கள் (10 ஆயிரத்திற்கும் குறைவான நபர்கள்) 50% கீழ் தட்டு மக்களை விட மூன்று மடங்கு அதிக சொத்து வைத்துள்ளனர். இந்த இடைவெளியை குறைக்க வேண்டும் எனபதற்காக தான் சமத்துவத்தை வலியுறுத்தும் திமுக தொடர்ந்து நலத்திட்டங்களை நடைமுறை படுத்தி வருகிறது என்ற உண்மை இப்போதாவது புரிகிறதா?” எனக் கேள்வி எழுப்பியுள்ளார்.