ஈபிஎஸ்- அண்ணாமலை இன்னைக்கு அடிச்சுப்பாங்க, நாளைக்கு சேர்ந்துக்குவாங்க: முத்தரசன்

முருகர் மாநாட்டை விமர்சித்து அரசியல் ஆதாயம் தேடும் அண்ணாமலை தோல்வி அடைவார் என்றும் அவரே வாக்குக்காக தான் பேசி வருவதாக இந்திய கம்யூனிஸ்ட் கட்சியின் மாநில செயலாளர் முத்தரசன் தெரிவித்தார்

சென்னை அண்ணா அறிவாலயத்தில் முதலமைச்சர் மு.க.ஸ்டாலினை சந்தித்து வெளிநாட்டு பயணத்திற்கு முத்தரசன் வாழ்த்து தெரிவித்தார். பின்னர் செய்தியாளிடம் பேசிய அவர்,  முதலீடுகளை ஈர்க்க அமெரிக்க செல்லும் முதல்வருக்கு நேரில் சந்தித்து வாழ்த்து தெரிவித்தோம் என்றார்.இந்த சந்திப்பில் வாழ்த்து மட்டுமே தெரிவித்ததாகவும், வேறு கோரிக்கை வைக்கவில்லை என்று முத்தரசன் கூறினார்.

தொடர்ந்து பேசிய அவர், அனைத்துலக முத்தமிழ் முருகன் மாநாடு வாக்குக்காக நடத்தப்பட்டதாக பார்க்கமுடியாது என்றும் முருகருக்காக தமிழை வளர்ப்பதற்காக நடத்தப்பட்ட மாநாடு. ஆனால் முருகர் மாநாட்டை விமர்சித்து அரசியல் ஆதாயம் தேடும் அண்ணாமலை தோல்வி அடைவார். ஏன்என்றால் அவரே பேசுவதே வாக்குக்காக தான் என்று கூறினார்.

எடப்பாடி பழனிசாமி, அண்ணாமலை கூட்டணியில் இருந்தவர்கள் இன்று ஒருவருக்கொருவர் மாறி மாறி விமர்சித்து கொள்வார்கள் நாளை சேர்ந்து கொள்வார்கள் என்றார்.