இளைஞர்களுக்கு வேலைவாய்ப்பை பெற்றுத்தரும் ‘நான் முதல்வன்’ திட்டம்!

நான் முதல்வன் திட்டம் மாணவ, மாணவிகளின் தனித்திறமைகளை அடையாளம் கண்டு ஊக்குவிப்பதற்காக தொடங்கப்பட்டது. ஆண்டுக்கு 10 லட்சம் இளைஞர்களை படிப்பு, அறிவு ,திறன் ,சிந்தனை ,ஆற்றலில் மேம்படுத்துவது இந்த திட்டத்தின் இலக்காக உள்ளது . மாணவர்களுக்கு பயிற்சி வழங்குவது , வல்லுநர்களை கண்டறிவது திறமைக்கேற்ப அவர்களுக்கு வேலை கிடைப்பதை உறுதி செய்வது ஆகியவை இந்த திட்டத்தின் நோக்கம்.  இத்திட்டத்தின் கீழ் பள்ளி , கல்லூரி மாணவர்கள் , யுபிஎஸ்சி உள்ளிட்ட மத்திய மாநில போட்டித் தேர்வுகளுக்கு பயிற்சி பெறுவதற்கான பல்வேறு திட்டங்கள் செயல்படுத்தப்பட்டு இருக்கின்றன. 

இந்நிலையில் தமிழ்நாடு அரசின் 'நான் முதல்வன் வேலைவாய்ப்பு திட்டம் 2024'-ன் மூலம் சேலம், கள்ளக்குறிச்சி அரியலூர், கிருஷ்ணகிரி ஆகிய 4 மாவட்டங்களைச் சேர்ந்த ஆயிரக்கணக்கான கலை, அறிவியல் கல்லூரி மாணவர்கள் வேலை வாய்ப்புகளைப் பெற்றுள்ளனர்.  

2022-23 நிதியாண்டில், இத்திட்டத்தின் மூலம் 1.19 லட்சம் மாணவர்கள் வேலை வாய்ப்புகளை பெற்றிருந்தனர் என்பது குறிப்பிடத்தக்கது.