ஓணம் பண்டிகையையொட்டி கமல் ஹாசன் வாழ்த்து தெரிவித்துள்ளார்.
ஓணம் இந்தியாவின், தென்தமிழகத்திலும் மற்றும் கேரள மாநிலத்திலும் கொண்டாடப்படும் ஒரு பாரம்பரிய சிறப்பு மிக்கத் திருவிழா ஆகும். மகாபலி சக்கரவர்த்தியின் செருக்கினை அடக்கிட, திருமால் வாமனராக அவதரித்து, பலிச்சக்கரவர்த்தியிடம் மூன்றடி மண் தானமாகக் கேட்டதாகவும், அதற்கு மகாபலி சக்கரவர்த்தி இசைவளித்தவுடன், முதல் அடியில் பூமியையும், இரண்டாம் அடியில் வானத்தையும் அளந்த வாமனர், மூன்றாம் அடியை மகாபலி சக்கரவர்த்தியின் தலையில் வைத்து, அவரை அழிக்க முற்படும் சமயம், மகாபலி சக்கரவர்த்தி ஆண்டுதோறும் தன்னுடைய மக்களைக் காண தமக்கு அருள் செய்ய வேண்டும் என்று கோரியதை ஏற்று வாமனர் அருள் புரிந்தார் என்ற நம்பிக்கையின் அடிப்படையில் மக்களை காணவரும் மகாபலி சக்கரவர்த்தியை வரவேற்கும் நாளை ஓணம் எனும் திருவோணத் திருநாளாகவும், புத்தாண்டாகவும் கொண்டாடுகின்றனர்.
nullഓണാശംസകൾ
— Kamal Haasan (@ikamalhaasan) August 29, 2023
Onam Ashamsakal to all my Malayali brothers and sisters in Kerala and around the world. May this year bring prosperity and happiness to you all.#HappyOnam
இந்நிலையில் மக்கள் நீதி மய்ய தலைவரும், நடிகருமான கமல் ஹாசன் தனது ட்விட்டர் பக்கத்தில், "கேரளா மற்றும் உலகெங்கிலும் உள்ள அனைத்து மலையாள சகோதர, சகோதரிகளுக்கும் ஓணம் வாழ்த்துகள்; இந்த ஆண்டு உங்கள் அனைவருக்கும் செழிப்பையும், மகிழ்ச்சியையும் தரட்டும்" என்று பதிவிட்டுள்ளார்.