படுகர் இன மக்களின் ஹெத்தை அம்மன் பண்டிகையை முன்னிட்டு நீலகிரி மாவட்டத்திற்கு ஜனவரி 7ஆம் தேதி உள்ளூர் விடுமுறை அறிவிக்கப்பட்டுள்ளது.
நீலகிரி மாவட்டத்தில் அதிக அளவிலான படுகர் இன மக்கள் வசித்து வருகின்றனர். இந்த மக்கள் தங்களின் குல தெய்வமாக ஹெத்தை அம்மனை வழிப்பட்டு வரும் நிலையில் ஆண்டுதோறும் ஜனவரி மாதத்தில் ஹெத்தை பண்டிகை கொண்டாடி வருகின்றனர்.இந்த நிலையில் வரும் ஜனவரி 7-ந்தேதி பேரகணி ஹெத்தை கோவிலில் பண்டிகை கொண்டாடபட உள்ளது. அன்றைய தினம் காலை முதல் மாலை வரை விழா நடைபெற உள்ளதால் ஒரு லட்சத்திற்கும் மேற்ட்ட படுகர் இன மக்கள் கோவிலுக்கு வர உள்ளனர்.
அதனையடுத்து ஜனவரி 7-ந்தேதி ( புதன் கிழமை) நீலகிரி மாவட்டத்தில் உள்ளூர் விடுமுறை விடபடுவதாக மாவட்ட ஆட்சிதலைவர் லட்சுமி பவ்யா தண்ணீரு அறிவித்துள்ளார். அதற்கு பதிலாக ஜனவரி 24-ந்தேதி சனி கிழமை பணி நாளாக இருக்கும் என்றும் அறிவிக்கபட்டுள்ளது.