ஓசூரில் தனியார் பள்ளி மாணவிகளை உடற்கல்வி ஆசிரியர் கடுமையாக தாக்கும் வீடியோ வைரலாகி வருகிறது.
கிருஷ்ணகிரி மாவட்டம் ஓசூரில் செயல்பட்டு வரும் அரசு உதவி பெறும் புனித ஜான் பாஸ்கோ மகளிர் மேல்நிலைப் பள்ளியின் சார்பில், பாகலூர் சாலையில் செயல்பட்டு வரும் தனியாருக்கு சொந்தமான யோகி வேமண்ணா பள்ளியில், கடந்த 21 , 23 ஆகிய தேதிகளில் நடைபெற்ற மாவட்ட வருவாய் அளவிலான வாலிபால் போட்டிகளில் பங்கேற்பதற்காக மாணவிகள் அழைத்துச் செல்லப்பட்டுள்ளனர்.
மாணவியை நடுரோட்டில் கடுமையாக தாக்கிய ஆசிரியர் #Hosut | #Students | #Teacher | #VelichamTV pic.twitter.com/Z7zNd0OyC2
— Velicham TV (@velichamtvtamil) October 28, 2024
இந்த நிலையில் அந்தப் போட்டியின் பொழுது, 23ம் தேதி அன்று ஜான் பாஸ்கோ பள்ளியில் உடற்கல்வி ஆசிரியராக பணியாற்றி வரும் கருப்பையா மற்றும் பயிற்சியாளர் தியாகராஜன் ஆகியோர் ஒரு மாணவியை கடுமையாக தாக்கும் வீடியோ வெளியாகி அதிர்ச்சியை ஏற்படுத்தியது. இந்த வீடியோ வெளியாகி வைரலானதை அடுத்து மாணவிகளை அடித்த ஆசிரியர்களிடம் மாவட்ட கல்வித்துறை மற்றும் குழந்தைகள் நலத்துறை அதிகாரிகள் தீவிர விசாரணை மேற்கொண்டு வருகின்றனர்.