14 தமிழக அரசு மருத்துவக் கல்லூரி முதல்வர் பணியிடங்களை உடனே நிரப்புக - ராமதாஸ்..!!

நீதிமன்றம் ரத்து செய்த 14  தமிழக அரசு மருத்துவக் கல்லூரி முதல்வரின் நியமனத்தை உடனடியாக நீதிமன்ற வழிகாட்டுதலின்படி தமிழக அரசு நிரப்பிட வேண்டும் என பாமக நிறுவனர் ராமதாஸ் வலியுறுத்தியுள்ளார்.   

இதுகுறித்து அவர் வெளியிட்டுள்ள அறிக்கையில், “தமிழகத்தில் உள்ள 14 அரசு மருத்துவக் கல்லூரி முதல்வராக 14 பேராசிரியர்களுக்கு பதவி உயர்வு வழங்கி 2024 அக்டோபர் மாதம் மூன்றாம் தேதி அரசு உத்தரவிட்டது. இதை எதிர்த்து சில பேராசிரியர்கள் சென்னை உயர்நீதிமன்றத்தில் வழக்கு தொடுத்தனர். இந்த வழக்கு விசாரணையின் அடிப்படையில் 14 அரசு மருத்துவக் கல்லூரியின் முதல்வர்கள் நியமனம் ரத்து செய்யப்பட்டதாக உத்தரவிட்டது.

இந்த வழக்கு மேல்முறையீட்டிற்கு சென்று மேல்முறையீட்டில் 14 அரசு மருத்துவ கல்லூரி முதல்வர்களின் நியமனம் ரத்து செய்யப்பட்டது சரியானது என மேல்முறையீட்டு மனுவை தள்ளுபடி செய்ய உத்தரவு பிறப்பித்தனர் நீதியரசர்கள். இந்த உத்தரவின்படி நான்கு வார காலத்திற்குள் அரசு மருத்துவ முதல்வர் பதவி உயர்வுக்கான பட்டியலை தயாரித்து தமிழக அரசு மருத்துவக் கல்லுரி முதல்வர் நியமனத்தை மேற்கொள்ள வேண்டியது அவசியம் எனக் கூறப்பட்டுள்ளது. 

இதை மனதில் கொண்டு தமிழக அரசு உடனடியாக காலியாக உள்ள 14 அரசு மருத்துவக் கல்லூரி முதல்வர்கள் காலி இடங்களை முறையாகவும், நியாயமாகவும் தேர்வை மேற்கொண்டு மருத்துவ கல்லூரி முதல்வர்களை நியமனம் செய்ய வேண்டியது அவசியமாகும்.” என்று குறிப்பிட்டுள்ளார்..