சுதந்திர தினம் மற்றும் தொடர் விடுமுறையையொட்டி ஆக.14, 16, 17ல் சிறப்புப் பேருந்துகள் இயக்கப்படவுள்ளதாக தமிழ்நாடு அரசுப் போக்குவரத்துக் கழகம் அறிவித்துள்ளது.
கிளாம்பாக்கத்திலிருந்து திருச்சி, மதுரை, நெல்லை, கோவை, சேலம் உள்ளிட்ட பகுதிகளுக்கு சிறப்புப் பேருந்துகள் இயக்கப்படவுள்ளன. கிளாம்பாக்கத்தில் இருந்து ஆகஸ்ட் 14ல் 470 பேருந்துகளும், ஆகஸ்ட் 16,17ல் 365 பேருந்துகளும் இயக்கம், கோயம்பேட்டிலிருந்து தி.மலை, வேளாங்கண்ணி, பெங்களூரு, நாகை, ஓசூர், பெங்களூருவுக்கு சிறப்புப் பேருந்துகள் இயக்கப்படவுள்ளன. கோயம்பேட்டில் இருந்து ஆகஸ்ட் 14ல் 70 பேருந்துகளும், ஆகஸ்ட் 16, 17ல் 65 பேருந்துகள் இயக்கப்படவுள்ளன.
இதேபோல் பெங்களூரு, திருப்பூர், ஈரோடு, கோவையில் இருந்து பல்வேறு இடங்களுக்கு 200 சிறப்புப் பேருந்துகளும் மாதவரத்தில் இருந்து ஆகஸ்ட் 14, 16, 17 ஆகிய நாட்களுக்கு 20 சிறப்புப் பேருந்துகளும் இயக்கப்படவுள்ளன. ஞாயிறன்று சொந்த ஊர்களில் இருந்து சென்னை, பெங்களூரு திரும்ப வசதியாக சிறப்புப் பேருந்துகள் இயக்கப்படவுள்ளதால் www.tnstc.in மற்றும் மொபைல் செயலி மூலம் பொதுமக்கள் முன்பதிவு செய்து கொள்ளுமாறு தமிழ்நாடு அரசுப் போக்குவரத்துக் கழகம் தெரிவித்துள்ளது.
-