ராமநாதபுரம் ஆட்சியரை தள்ளிவிட்ட திமுக எம்.பி. நவாஸ் கனியின் ஆதரவாளர் கைது

அமைச்சர் மற்றும் திமுக எம்.பி வாக்குவாதத்தில் ஈடுபட்ட போது ராமநாதபுரம் ஆட்சியரை தள்ளிவிட்ட  திமுக எம்.பி. நவாஸ் கனியின் ஆதரவாளர் விஜயராமு கைது செய்யப்பட்டுள்ளார். 

ராமநாதபுரத்தில் நேற்று நடைபெற்ற அரசு விழாவில் அமைச்சர் ராஜகண்ணப்பன் மற்றும் நவாஸ் கனி எம்.பி. வாக்குவாதத்தில் ஈடுபட்டனர். அப்போது மாவட்ட ஆட்சியர் விஷ்ணு சந்திரனை திமுக எம்.பி. நவாஸ் கனியின் உதவியாளர் விஜயராமு கீழே தள்ளி விட்டார். இந்த சம்பவம் பெரும் பரபரப்பை ஏற்படுத்திய நிலையில், மாவட்ட ஆட்சியரை கீழே தள்ளிவிட்ட நவாஸ் கனி எம்.பி-யின் உதவியாளர் விஜயராமு மீது 4 பிரிவுகளின் கீழ் போலீசார் வழக்குப்பதிவு செய்துள்ளனர். மாவட்ட விளையாட்டு & இளைஞர் நலத்துறை அலுவலர் தினேஷ்குமார் அளித்த புகாரில் அடிப்படையில் போலீசார் இந்த நடவடிக்கை எடுத்தனர். இதனிடையே மாவட்ட ஆட்சியரையே உதாசீனப் படுத்தி கீழே தள்ளி விடும் அளவிற்கு இந்த ஆட்சியில் திமுகவின் வன்முறை அரங்கேற்றி வருகிறது என எதிர்க்கட்சி தலைவர் எடப்பாடி பழனிசாமி கண்டனம் தெரிவித்து இருந்தார். 

இந்நிலையில், அமைச்சர் மற்றும் திமுக எம்.பி வாக்குவாதத்தில் ஈடுபட்ட போது ராமநாதபுரம் ஆட்சியரை தள்ளிவிட்ட எம்.பி. நவாஸ் கனியின் ஆதரவாளர் விஜயராமு கைது செய்யப்பட்டுள்ளார். சம்பவம் தொடர்பாக 4 பிரிவுகளில் வழக்குப்பதிவு செய்து விஜயராமு என்பவரை கைது செய்த போலீசார்.