இன்டேன் சமையல் எரிவாயு பதிவு சேவையில் தமிழ் நிறுத்தம் - சு.வெங்கடேசன் எம்.பி. கண்டனம்!

இந்தியன் ஆயில் கார்ப்பரேசன் அதிகாரிகளுக்கு அலுவல் மொழி விதிகள் தெரியாதா?  என்று எம்.பி.சு வெங்கடேசன் கேள்வி எழுப்பியுள்ளார்.

இதுதொடர்பாக இந்தியன் ஆயில் கார்பரேசன் அதிகாரிக்கு சு. வெங்கடேசன் எம் பி கடிதம் எழுதியுள்ளார்.அதில், இன்டேன் தானியங்கி சமையல் எரி வாயு பதிவு சேவையில் இவ்வளவு காலம் தமிழ், ஆங்கிலத்திற்கான வாய்ப்புகள் தரப்பட்டிருந்தன. தற்போது அந்த வாய்ப்புகள் நீக்கப்பட்டு இந்தி சேவை மட்டுமே கிடைக்கிறது. அலைபேசி வழியாக பதிவு செய்யப் போகிற மக்கள் என்னவென்றே புரியாமல் திகைத்து நிற்கிறார்கள்.

சமையல் எரிவாயு வேண்டுமென்றால் இந்தி கற்றுக் கொண்டு வா என்று மக்களை துரத்துவது போல உள்ளது. இந்தியன் ஆயில் கார்ப்பரேசன் அதிகாரிகளுக்கு அலுவல் மொழி விதிகள் தெரியுமா? அதில் இந்திய மாநிலங்கள் மூன்று வகைகளாக பிரிக்கப்பட்டு இருப்பது தெரியுமா? குறிப்பாக தமிழ்நாட்டிற்கு அந்த விதிகளில் இருந்து விலக்கு அளிக்கப்பட்டு இருப்பது தெரியுமா? இல்லை தெரிந்தே மீறுகிறார்களா?

இன்டேன் தானியங்கி சமையல் எரிவாயு பதிவு சேவையில்
தமிழ் நிறுத்தம்.

இந்தி மட்டுமே இருக்கிறது.

இந்தியன் ஆயில் கார்ப்பரேசன் அதிகாரிகளுக்கு அலுவல் மொழி விதிகள் தெரியாதா?

விதிகளை மீற உத்தரவிட்டது யார்?

உடனடியாக தமிழ் சேவையை உறுதிப்படுத்துங்கள்.@ChairmanIOCL pic.twitter.com/OI2PvYUL5e

— Su Venkatesan MP (@SuVe4Madurai) November 4, 2023

விதிகளை மீறுவதற்கு தைரியம் அளித்தது யார்? அமைச்சக மட்டத்தில் இருந்து நிர்ப்பந்தமா? மீண்டும் இண்டேன் சமையல் எரிவாயு தானியங்கி பதிவு தமிழ் சேவையை தர வேண்டும் என்று குறிப்பிட்டுள்ளார்.