தி.மு.க.வின் தஞ்சாவூர் வடக்கு மாவட்டச் செயலாளராக இருந்த சு.கல்யாணசுந்தரம் எம்.பி., அப்பொறுப்பிலிருந்து விடுவிக்கப்பட்டுள்ளார்.
இதுதொடர்பாக திமுக பொதுச்செயலாளர் துரைமுருகன் வெளியிட்டுள்ள அறிவிப்பில், “தஞ்சாவூர் வடக்கு மாவட்டக் கழகச் செயலாளராக பொறுப்பு வகித்து வரும் க.கல்யாணசுந்தரம். எம்.பி., அவர்களை அப்பொறுப்பிலிருந்து விடுவித்து, அவருக்கு பதிலாக திரு.சாக்கோட்டை க.அன்பழகன், எம்.எல்.ஏ., (நாக்கியன் கோயில் மெயின் ரோடு, சாக்கோட்டை அஞ்சல், கும்பகோணம், தஞ்சை மாவட்டம்) அவர்கள் தஞ்சாவூர் வடக்கு மாவட்டக் கழகப் பொறுப்பாளராக நியமிக்கப்படுகிறார்.
ஏற்கனவே தேர்ந்தெடுக்கப்பட்ட மாவட்ட நிர்வாகிகள் இருவருடன் இணைந்து பணியாற்றிட வேண்டுமென கேட்டுக்கொள்ளப்படுகிறார்கள்.” என்று குறிப்பிடப்பட்டுள்ளது.