10 ஆண்டுகளாக அதிமுகவுடன் கூட்டணியில் இருந்த ஜனநாயக முஸ்லிம் கட்சி தவெகவுக்கு ஆதரவு

10 ஆண்டுகளாக அதிமுக கூட்டணிக்கு ஆதரவு தெரிவித்து வந்த ஜனநாயக முஸ்லிம் மக்கள் கட்சி, அதிமுகவில் இருந்து வெளியேறி தமிழக வெற்றிக் கழகத்திற்கு ஆதரவு தருவதாக அறிவித்துள்ளது.

2014- ல் இருந்து அரசியல் களத்தில் ஈடுபட்டு வரும் சிறிய கட்சியான ஜனநாயக முஸ்லிம் மக்கள் கட்சி, சென்னை பனையூரில் உள்ள தவெக தலைமை அலுவலகத்தில் பொதுசெயலாளர் என்.ஆனந்தை சந்தித்து தங்களது ஆதரவை தெரிவித்துள்ளனர்.

தொடர்ந்து செய்தியாளர்களிடம் பேசிய ஜனநாயக முஸ்லிம் மக்கள் கட்சியின் நிறுவனத் தலைவர் தமீம், “கடந்த 10 ஆண்டுகளாக அதிமுகவிற்கு ஆதரவு தெரிவித்து வந்த நிலையில், பாஜகவுடன் தொடர்ந்து கூட்டணி வைத்ததால் அதிமுக கூட்டணியில் இருந்து விலகி உள்ளோம். மேலும் 2026 ஆம் ஆண்டு சட்டமன்ற தேர்தலில் தமிழக வெற்றிக் கழகத்திற்கு ஆதரவு கொடுக்கவுள்ளோம்.தவெக தலைவர் விஜயை சந்திக்க நேரம் கேட்டுள்ளோம். விரைவில் அந்த சந்திப்பும் நடைபெறும்” என்றார்.