வரும் 21ம் தேதி கைலாசா இருக்கும் இடம் அறிவிக்கப்படும்- நித்யானந்தா

ஹிந்துக்களுக்கான தனி நாடாக ‘கைலாசா நாடு’ உருவாக்கியதாக அறிவித்திருந்த நிலையில், அந்த நாடு எங்கிருக்கிறது என வரும் 21ம் தேதி அறிவிப்பதாக நித்யானந்தா கூறியுள்ளார்.

தமிழ்நாட்டில் திருவண்ணாமலையில் பிறந்து வளர்ந்த நித்தியானந்தா கர்நாடக மாநிலம் பிடதியில் ஆசிரமம் அமைத்து  புகழ்பெற்றார். அவர் தற்போது ஈக்வடார் அருகே ஒரு சிறிய தீவில் கைலாசா என்ற தனி நாட்டை உருவாக்கி இருக்கிறார் என்று அவரே அறிவித்தார். அதற்கு , ‘யுனைடெட் ஸ்டேட்ஸ் ஆஃப் கைலாஷ்’ என்று பெயரிட்டுள்ளார்.  இதையடுத்து கைலாசா நாட்டின்  குடியுரிமைக்கு அழைப்பு விடுத்தார்.  கைலாசாவை அதிகாரப்பூர்வமாக தனி நாடாக அங்கீகரிக்க வேண்டும் என்று ஐக்கிய நாடுகள் சபையில் வேண்டுகோள் விடுத்திருந்தார் நித்தியானந்தா. ஆனால் அதனை ஐநா நிராகரித்தது. கைலாசாவில் இ குடியுரிமை பெறுவதற்காக https://kailaasa.org/e-citizen/என்ற சிறப்பு இணையதளமும் உருவாக்கப்பட்டு இருக்கிறது.

இந்நிலையில் கைலாசா திறக்கப்பட்டு உள்ளது, வருகிற 21ம் தேதி குருபூர்ணிமா நன்னாளில் கைலாசா இருக்கும் இடம் அறிவிக்கப்படும். உங்களை அன்போடு வரவேற்கிறோம் என நித்யானந்தா அறிவித்திருப்பது பரபரப்பை ஏற்படுத்தியுள்ளது.