விடாமுயற்சி படத்தின் கலை இயக்குனர் மிலன் மாரடைப்பால் மரணமடைந்த சம்பவம் படக்குழுவினரை அதிர்ச்சி அடைய செய்துள்ளது.
மகிழ் திருமேனி இயக்கத்தில் நடிகர் அஜித்குமார் நடித்து வரும் திரைப்படம் ‘விடாமுயற்சி’. லைக்கா தயாரிப்பில் உருவாகும் இந்த படத்திற்கான அறிவிப்பு கடந்த மே 1-ஆம் தேதி வெளியானது. அனிரூத் இந்த படத்திற்கு இசையமைப்பார் என்று அறிவிக்கப்பட்டது. கடந்த சில மாதங்களாக இந்த படத்தின் ப்ரீ பிரொடக்ஷன் பணிகள் நடைபெற்றது. இதனை தொடர்ந்து படப்பிடிப்பு பணிகள் அஜர்பைஜான் நாட்டில் நடைபெற்று வருகின்றன. தற்போது அஜித், த்ரிஷா உள்பட படக்குழுவினர் அனைவரும் அஜர்பைஜான் நாட்டில் உள்ளனர். அங்கு விடாமுயற்சி திரைபப்டத்தின் படப்பிடிப்பு விருவிருப்பாக நடைபெற்று வருகிறது.
இந்த நிலையில், விடாமுயற்சி படத்தின் கலை இயக்குனர் மிலன் மாரடைப்பால் மரணமடைந்த சம்பவம் படக்குழுவினரை அதிர்ச்சி அடைய செய்துள்ளது. மிலான் வேலாயுதம், வீரம், அண்ணாத்த உள்ளிட்ட பல்வேறு படங்களில் கலை இயக்குனராக பணியாற்றி உள்ளார். அஜர்பைஜான் நாட்டில் நடந்த படப்பிடிப்பின்போது மிலன் மாரடைப்பால் உயிரிழந்ததாக தகவல் வெளியாகியுள்ளது.