• July
    22
    Monday

Main Area

Main



டிரஸ்ஸை அவுத்துட்டு நில்லுங்க...இல்லன்னா வெளியே போங்க’...நடிகர் ஜாமினில் வெளியே வந்தார்!

புகார் அளித்த மாணவி
புகார் அளித்த மாணவி
Loading...

ஹைதராபாத்: மாணவிகளை மேலாடையை கழற்றுமாறு கூறியதாக அளிக்கப்பட்ட புகாரின் பேரில் கைதான நடிகர் ஜாமினில் வெளிவந்துள்ளார்.

ஹைதராபாத்தில் பிரபல நாடக கலைஞர் வினய் வர்மா என்பவர், ஒன்றிரண்டு தெலுங்குப் படத்தில் நடித்துள்ளார். சுற்றத்தார் என்ற பெயரில் நாடக பள்ளி ஒன்றையும் இவர் நடத்தி வருகிறார். சம்பவ தினத்தன்று, கதவு மற்றும் ஜன்னல்களை பூட்டி விட்டு அனைத்து மாணவ/மாணவிகளும் தங்களது மேலாடைகளை கழற்றி விட்டு வரிசையாக நிற்கும்படி வினய் வர்மா கூறியுள்ளார்.

hyderabad acting

இதனை கேட்டு அதிர்ச்சியடைந்த மாணவி ஒருவர், மேலாடையை கழற்ற முடியாது என தெரிவித்துள்ளார். இதனால், ஆத்திரமடைந்த வினய் வர்மா, மேலாடையை கற்ற வேண்டும் இல்லையெனில் வெளியே போ என அந்த மாணவியிடம் கூறியுள்ளார்.

இதையடுத்து, அங்கிருந்து வெளியேறிய அந்த மாணவி, பெண்களின் பாதுகாப்புக்காக தெலங்கானா காவல்துறை ஒரு பிரிவாக செயல்பட்டு வரும் 'ஷீ டீம்' என்ற தனிப்பிரிவில் இது தொடர்பான புகாரை அளித்துள்ளார். அவர்கள் அளித்த ஆலோசனையின் படி, நாராயனகுடா காவல்நிலையத்தில் சென்று புகார் அளித்தார். பல்வேறு அலைக்கழிப்புகளுக்கு பின்னர் மாணவியின் புகார் பெறப்பட்டு, வினய் வர்மா கைது செய்யப்பட்டார்.

vinay varma

இதனைத்தொடர்ந்து, தனக்கு ஜாமின் கோரி வினய் வர்மா தரப்பில் மனுத்தாக்கல் செய்யப்பட்டது. இந்த மனு மீது நீதிமன்றத்தில் நடைபெற்ற விசாரணையின் போது, மேலாடையை கழற்றுமாறு மாணவர்கள் கட்டாயப்படுத்தப்படவில்லை. தியானம், யோகா பயிற்சிகள் போலவே இதுவும் நடிப்பில் மாணவர்கள் மெருகேற்றப்படுவதற்காக பயன்படுத்தப்படுவது என மனுதாரர் தரப்பில் வாதிடப்பட்டது. இதையடுத்து, அவருக்கு ஜாமின் வழங்கி நீதிமன்றம் உத்தரவிட்டது.

முன்னதாக, சம்பவம் குறித்து வினய் வர்மா ஏற்கனவே கூறும்போது, புகார் அளித்த மாணவிக்கு இங்கு வருவது பிடிக்கவில்லை. அவரது தந்தையின் விருப்பத்திற்காகவே இங்கு சேர்ந்த அவர் முதல் நாளில் இருந்தே எதாவது புகார் தெரிவித்துக் கொண்டே இருக்கிறார். மேலாடையை தான் கழற்ற கூறினேன். நிர்வாணமாக இருக்க சொல்லவில்லை. மேலாடையை கழற்றுவது படிப்பின் ஒரு பகுதி. அதன் மூலம் உடலை எப்படி கருவியாக பயன்படுத்துவது என்பது கற்றுத் தரப்படும் என விளக்கமளித்திருந்தார் என்பது குறிப்பிடத்தக்கது.

இதையும் வாசிங்க

முன்னாள் முதல்வர் மகன் கொலை வழக்கில் மனைவி அதிரடி கைது: 90 நிமிடங்களில் தடயங்களை அழித்தது அம்பலம்!

2018 TopTamilNews. All rights reserved.