அலாஸ்கா பகுதியில் சக்திவாய்ந்த நிலநடுக்கம் - சுனாமி எச்சரிக்கை

அமெரிக்காவின் அலாஸ்கா பகுதியில் இன்று சக்தி வாய்ந்த நிலநடுக்கம் ஏற்பட்டுள்ள நிலையில், இதன் காரணமாக அங்கு சுனாமி எச்சரிக்கை விடுக்கப்பட்டுள்ளது.

அமெரிக்காவின் பல்வேறு மாகாணங்களில் ஒன்று அலாஸ்கா. அலாஸ்கா மாகாணத்தில் இன்று திடீரென சக்திவாய்ந்த நிலநடுக்கம் ஏற்பட்டடது. இந்த நிலநடுக்கமானது ரிக்டர் அளவுகோளில் 7.4 ஆக பதிவானதாக அமெரிக்க புவியியல் ஆய்வு மையம் தெரிவித்துள்ளது. இந்த நிலநடுக்கத்தால் அலாஸ்கா மாகாணத்தின் பல்வேறு பகுதிகளிள் உள்ள கட்டிடங்கள் மற்றும் வீடுகள் குலுங்கின. இந்த நிலநடுக்கமானது, கடலுக்கடியில் 9.3 கிமீ ஆழத்தில் மையம் கொண்டிருந்ததாக தெரிவிக்கப்பட்டுள்ளது. இந்த நிலநடுக்கத்தை தொடர்ந்து அலாஸ்கா மாகாணத்திற்கு சுனாமி எச்சரிக்கை விடுக்கப்பட்டுள்ளது. 

சக்திவாய்ந்த நிலநடுக்கம் ஏற்பட்டுள்ளதால் அலாஸ்கா மாகாணத்திற்கு அமெரிக்க சுனாமி எச்சரிக்கை அமைப்பு சுனாமி எச்சரிக்கையை விடுத்துள்ளது. சுனாமி எச்சரிக்கை விடுக்கப்பட்டுள்ளதால் அலாஸ்கா மாகாணத்தில் முன்னெச்சரிக்கை நடவடிக்கைகள் எடுக்கப்பட்டு வருகின்றன. நிலநடுக்கத்தால் ஏற்பட்ட சேத விவரங்கள் மற்றும் உயிர்சேதங்கள் தொடர்பான தகவல் எதுவும் வெளியாகவில்லை. நிலநடுக்கம் காரணமாக அலாஸ்காவில் பெரும் பரபரப்பு ஏற்பட்டுள்ளது.